| 2014-03-04 22:48:55 MAŠKARANI MARATON To j' sad već tradicija!
I ovo školsko leto va našoj školi bile su maškare. Si zijaju da j' to peto godišnje doba ma ja baš ne razumin aš je još vavik po kalendaru zima. Ma ni ni važno! Važno j' da smo se maškarali, igrali, zabavili i da ni bilo „škole“!!!
Va Jelenju j čera, pondijak, 3. marča, bilo ludo, veselo i raskantano. Male maškare su kantale, neki su zantancali, a ni falelo ni kostimih ni piture. Bilo j' tu: gusarih, štrig, lipotic, milicajcih, par kraljic. Došle su i mačke, mišice, metuji i jedan slon. Tekli su vrazi i nindže. A pokazali su se i pankeri, nonići, vitezi i indijanci. I još čuda...... Naj maškare (i grde i lipe): 2.a Leoprdica Ema 1.b Pikova kraljica Lara 2.c Vojnik AndrijaNajhrabriji ki su zeli mikrofon, kantali kod tići i pobrali nagrade: 4.c „Sve su koke poludile“ 2.b „Veseli razred“ 3.b „Himna zadrugara“
|
| Osnovna škola "Jelenje-Dražice" Dražice |
