Osnovna škola "Jelenje-Dražice" Dražice

Učenice Monika Kukuljan i Marija Linić iz 6. a razreda te Jelena Dašić iz 7.b sudjelovale su na 9. literarno-likovnom natječaju Poj riči materinske. Njihove su pjesme objavljenje u zborniku. Pohvaljena je pjesma Selo Monike Kukuljan te je za to dobila i knjigu na dar. Čestitamo učenicama, osobito Moniki!!!

Selo

Na selu judi stari

i neki mlaji,

celu noć i celi dan grebu,

po pojimi velimi i žutimi,

ka sih hrane i vesele.

A kad dojde polne,

saki na svoju stranu gre,

niki kuhat,

niki grest po kući,

a niki dicu čuvat.

Na selu kad sunce zajde,

saki svoju grabju z poja zame

i si nazad doma gredu

poć spat

i za jutra se čuvat

i kad misec zajde,

zvezda saku kuću obajde.

                           Monika Kukuljan, 6.a

Grad Grobnik

Saki dan gjeda Grobničke alpe,

te šume, te ledine,

ti potoki, te rike, te kućice ke se šarene,

ti krovići ki se crvene.

A kad se okrene

i škuro more zatekne,

naveseli se kad vidi beli brodić

i oni sivi otoki ki se gube va moru,

te se začudi kad kakovu belu toškicu vidi.

                                                                   Marija Linić, 6. a

Čujen

Škripi…Hodin po toj svojoj beloj cesti…

Dok lišči pada s gran,

neki judi gredu ga mest…

Saka kuća, svoja stran.

Kad projden, i na list stanen

zlomljenin glason

on mi poveda…

Jesen se j' vrnula.

Novo šuškanje dohaja.

Z smihom ga dočekan,

sačekan.

Remo sad

i gjedamo jesen

va ku  j' život prenesen…

                          Jelena Dašić, 7. b