Na natječaj za najbolju poeziju i prozu čakavaca svake godine stiže mnoštvo dječjih radova iz osnovnih i područnih škola s područja Primorsko-goranske županije, da bi zatim stručna komisija odabrala najbolje, i to u kategoriji mlađih i starijih razreda osnovne škole. Ti se radovi zatim tiskaju u zbirci Čakavčići pul Ronjgi. U utorak, 8 .studenoga ove godine predstavljena je knjiga Čakavčići pul Ronjgi br. 17.

U zbirci objavljeni  su radovi učenika naše škole Matea Mikulića (Uspomena na prvu pupu, Mlikarica), Marcella Matteia (Noć i dan), Maje Maršanić (Ja san slikar proljeća), Rina Zoretića (Maškare), Adriana Brnelića (Škola), Armanda Pešćice (Selo), Roka Franovića (Noćni san), Lucije Perušić (Kako j' moje selo prvo zgjedalo), Matka Pavletića (Gromnišćina) i Cindy Grlaš (Grobničke mlikarice).

Treću nagradu osvojili su učenici Mateo Mikulić i Marcello Mattei za svoje radove.

USPOMENA NA PRVU PUPU

Nona j' imela 9 let kad je šla va Trst teti Jeli va gosti. Bil je to veli doživjaj aš va to vrime niki od njejih vršnjakih ni šal na takov put. Veseju ni bilo kraja kad je od tete Jele dobila prvu i to velu pupu. Krasili su ju lipi svitli vlasi pokriveni z belin klobučićen i posebne plave oči. Obučena j' bila va svitlo roza hajicu, bele kopice, a na nogah je imela beli postolići. Vrnjali su se doma z buson, a nona je pupu nosila celin puten prilepjenu uz staklo visoko dignjenu tako da ju si vide. Kroz Opatiju kadi je bilo čuda judih i svital, nona ju j' digla još više, ali pupu ni niki abadal nit se j'ki okretal. Noni ni bilo jasno zač! Još i danas pupa sidi va kamari i ima 50 let.

Mateo Mikulić, 3.razred

Voditeljica Linda Crgol

NOĆ I DAN

Škuro i noć

Svitlo i dan

   čine san.

Marcello Mattei, 8. razred

Voditeljica: Biserka Juretić